Padayon ang serbisyo sa Walang Gutom Kitchen sa Cebu bisan og Sabado ug Domingo aron masiguro nga adunay init, lami ug masustansiyang pagkaon para sa mga benepisyaryo.
Karong Domingo, Hunyo 28, gipahimuslan sa mga benepisyaryo ang pagkaon nga gilangkuban sa ginaling nga baboy, sabaw nga adunay utanon, kan-on ug ponkan. Ang matag pagkaon giandam pag-ayo sa mga boluntaryo nga nailhan isip “Angels in Red Vests.”
Sumala sa DSWD, ang maong programa nagtumong sa paghatag og igo ug masustansiyang pagkaon aron mapalambo ang kahimsog sa mga kabus ug naglisud nga pamilya.
Kabahin kini sa padayong programa sa gobyerno ubos sa administrasyon ni Presidente Ferdinand Marcos Jr. aron mapalapad ang akses sa sustansiyang pagkaon ug makatabang sa pagsumpo sa kagutom sa nasud.
📸 DSWD
I via Renante Socia Lada