Usa ka high-value suspect ang nasikop niadtong Lunes nga dunay kapin sa usa ka kilo sa gituohang shabu pinaagi sa drug bust didto sa Purok 8, Barangay Bool, Tagbilaran City, Bohol.
Nasakmit ang katorse (14) ka sealed transparent plastic packs nga adunay sulod nga white crystalline substance nga adunay kinatibuk-ang gibug-aton nga 1,200 gramos nga nagkantidad og PhP8,160,000.00, standard drug value uban ang mga drug paraphernalia.
Ang suspek anaa na karon sa custodial facility sa Tagbilaran City Police Station (CPS) ug mag-atubang kini og tukmang kaso nga kalapasan sa RA 9165 o Comprehensive Dangerous Drugs Act of 2002.
Samtang ang mga nakumpiska nga ebidensiya isumiter kini ngadto sa Forensic Unit alang sa eksaminasyon.
Gidayeg sa Regional Director, PBGEN ANTHONY A ABERIN, ang mga operating personnel gikan sa Provincial Drug Enforcement Unit, Bohol Police Provincial Office, uban sa koordinasyon sa mga personahe sa Tagbilaran CPS, PNP Drug Enforcement Group ug Philippine Drug Enforcement Agency alang niining malampuson nga operasyon sa kapulisan.
“This is a non-stop crackdown of illegal drugs initiated simultaneously at all fronts to make sure that the flow of illegal drugs will be intercepted with the end in view of stopping the flow of illegal drugs in Central Visayas.”, dugang ni PBGen. Aberin. (Renante Lada and Ting Joe Pepito)
(Source: PRO-7)