Sikop sa otoridad sa gikasa nga law enforcement operation,ang usa ka 26 anyos nga babaye sa paglapas sa Cybercrime Prevention Act of 2012 (RA 10175) (OWP) nga may kalabot sa SACLEO, niadtong Agosto 21,2024, sa may alas 3:01 sa hapon didto sa Ramos Village, Brgy. Sta. Filomena, ning dakbayan sa Dipolog.
Ang dinakpan naila nga si Nicole Mendoza Agustin, 26 anyos,babaye,dalaga, walay trabaho, ug bag-o lang nagpuyo sa Blk. 41 lot 18, Victoria Country Homes, Obay, Polanco, Zamboanga del Norte.
Nasikop kini sa mga Warrant personnel sa Dipolog CPS pinangulohan ni PMSg Klint John Cuenca- Warrant Server kauban si Pat Golden Grace S Salan- WCPS Investigator, 1st ZNPMCC, 901st MC RMFC, 5th SOU-MG pinaagi sa pag serbe sa warrant, tungod sa paglapas sa “Cybercrime Prevention Act of 2012 (RA 10175)” nga gi-docket ubos sa Criminal Case No. 175-2024-DPL pinetsahan Agosto 20,2024 ug adunay pyansa nga girekomendar nga mobalor sa P60,000.
Ang dinakpan anaa na karon sa kustodiya sa Dipolog CPS alang sa tukmang disposasyon. (Medalyn U. Borja)
(Source: Dipolog CPS)