Cebu City – Managlahi ang pagdawat tali sa Cebu business community ug sa labor groups sa gihulagway nga ‘historic’ minimum wage rate.
Ubau-ubay sa mga membro sa Cebu business community ang mipadayag sa ilang concerns labot sa desisyon sa goberno sa pagpatuman sa P31 nga increase sa daily minimu nga suholan sa Central Visayas.
Matod ni Steven Yu, presidente sa Mandaue Chamber of Commerce and Industry (MCCI), nga ang micro ug small business mabutang sa disadvantage sa higayon nga ipatuman na ang bag-ong minimum wage.
Sigon pa ni Yu nga ang micro, small and medium enterprises (MSMEs) mag atubang ug ‘longer and delayed’ journey sa full recovery, ug posibling mag antus kini sa downsizing ug pagpanirado.
“The business sector fully empathizes with the plight of the labor community due to the soaring costs of living, however, the MSMEs will experience increasing hardships and delayed recovery. We foresee downsizing and business closures in the MSME sector,” pasabot ni Yu.
Dugang pa, ang mga business leader naglantaw nga ang mamahimong makasinate ang rehiyon ug slowdown sa job generation.
Gi-anunsyo sa Regional Tripartite Wages and Productivity Board sa Central Visayas (RTWPB-7), Mayor 24, 202, nga ang body nagka uyon sa pagpatuman ug P31 nga usbaw sa inadlaw nga suholan, nga maoy labing taas nga nahatag sa rehiyon sukad.
Kini nagpasabot nga ang bag-ong daily minimum wage rate mahimong P435, gikan sa P404.
Kini maoy nagtapos sa pipila ka buwan nga mga public consultation ug hearings sa lain laing wage hike petition nga gisang-at ngadto sa Board.
Apan, ang business sector sa Sugbo, lakip na ang MCCI, wala mohangop niini.
Ilang gipasabot nga sagad sa ilang mga membro anaa pa sa recovery phase human sa daghang krisis mugna sa COVID-19 pandemic, gubat sa Ukraine ug Russia ug bagyong Odette.
Sa pikas bahin, ang Alyansa sa mga Mamumuo sa Sugbo Kilusang Mayo Uno (AMA Sugbo-KMU) mitawag sa P31 wage increase sa Central Visayas nga “insult to workers.”
Mas ubos kini nga gihatag itandi sa Western Visayas nga P55 sa mga employers nga dunay kapinsa 10 ka mga workers ug P110 alan sa dunay menus sa 10 ka mga workers.
“Buot ipasabot sa atong wage board, mas barato diay ang palaliton diri sa Cebu kumpara sa Western Visayas? Dako kini nga insulto sa mga mamumuo nga nakahibaw sa tinuod nga presyo ug sa ka mahal sa mga palaliton diri sa rehiyon nga dili na paigo ang minimum wage,” mensahi ni Jaime Paglinawan, chairperson sa AMA Sugbo-KMU.
Ang maong organisasyon misuporta sa wage hike petition nga P750 national minimum wage sa Alyansa sa mga Mamumuong Kontraktwal sa Sugbo (ALSA Kontraktwal Cebu).
“Nagatuo kita nga ang P750 national minimum wage ang makahatag og makabuhing suholan sa mga mamumuo, aron mabuhi siya ug iyang pamilya nga adunay dignidad. Dapat ang P750 national minimum wage nga dugay ra gipanawagan sa mga mamumuo ang dunggon sa mga awtoridad, dili ang yangungo sa mga dagkong negosyante,” pasabot ni Paglinawan.
Ang RTWPB-Central Visayas mi approve sa usbaw nga P500 alang sa domestic workers sa Central Visayas, kansang mga nagtrabaho sa chartered cities ug first class municipalities maka dawat ug P5,500 matag buwan, samtang P5,000 sa mga nagtrabaho sa ubang mga lugar.
Via Jhon Tadlip
Source: RTWPB-7
:MCCI
: AMA Sugbo-KMU
Photo: AMA Sugbo-KMU