Nagmalampuson ang gihimo nga buy-bust operation sa kapulisan sa pakug alayon sa PDEA-7, batok sa 3 ka mga high value individual.
Didto kini sa Sitio Sawsawan, Barangay San Roque, dakbayan sa Talisay City, pasado alas 9:58 kagabii, Mayo 25, 2024.
Ang mga suspetsado giila sa Talisay City Police Station nga mao sila si Wenceslao Daan Molato, Jomari John Pelipas Banate, ug July Lauron Abadiez Jr., pulos hingkod ang ilang panuigon ug mga residenti sa siyudad sa Talisay.
Mga binultong shabu ang nakuha sa ilang position na adunay timbang nga 505 gramos ug standard drug value nga P3.4 milyon.
Nasayran nga ang mga sakop sa City Drug Enforcement Unit sa Talisay City Police Station, ug Cebu Police Provincial Office (CPPO) maoy nilusad sa maong buy-bust.
“Let us continue to relentlessly pursue our campaign against all forms of criminality and make a profound impact on the safety and well-being of our Central Visayas community guided by the BIDA Program, CPNP’s directives, and by embodying the spirit of an able, active, and allied police service,” pamahayag ni PBGen Anthony Aberin.
Sa pagkakaron ang suspetsado anaa na sa kustodiya sa kapulisan ug giandam na usab ang kasong kalapasan sa R.A 9165 or the Comprehensive Dangerous Drugs Act of 2002. (Renante Socia Lada)
(Source: PRO-7)