Gisiguro sa National Food Authority (NFA) sa Negros Oriental nga igo pa ang supply sa bugas sa probinsya kung adunay emerhensiya o kalamidad.
Matod ni Emily Diputado, OIC branch manager sa NFA-Negros Oriental, nga bisan pa sa special rollout sa ₱20 kada kilo nga bugas, waka kini naka-apekto sa buffer stock. Karon, aduna pa silay 10,000 ka sako sa bugas nga igo na sulod sa pito ka adlaw.
Gisulti usab niya nga adunay dugang nga stock nga gikan pa sa Cebu nga giandam ipadala. Kon mahurot ang reserba, makakuha dayon sila og bugas gikan sa silingan nga mga probinsya.
Karon, ang mga sako gitapok sa warehouse sa Barangay Pulantubig, apan giplano nga ibalhin sa bag-ong gi-renovate nga warehouse sa Guihulngan City.
Sa gihimong “Handog ng Pangulo: Serbisyong Sapat para sa Lahat” karong Sabado, 150 ka sako sa bugas ang gipanghatag nga gikan mismo sa mga lokal nga mag-uuma sa Canlaon City, Ayungon, Bayawan City, ug uban pang lugar sa Negros Oriental.
Source: PNA
I via Renante Socia Lada