Ang National Disaster Risk Reduction and Management Council (NDRRMC) miingon karong Miyerkules nga ila pang gi validate ang taho sa 26 ka patay ug 147 ka naangol human sa magnitude 6.9 nga linog nga miigo sa Bogo City, Cebu ug ubang kasikbit nga mga probinsya kagabii sa Martes.
Sumala sa ilang situational report alas 8 sa buntag, tanan nga gipang-report nga patay ug nasakitan anaa pa sa proseso sa beripikasyon ug nahitabo sa Rehiyon 7 (Central Visayas).
Gidugang pa sa NDRRMC nga gisuspenso ang klase sa 46 ka lungsod sa Rehiyon 7 samtang upat ka lungsod sa rehiyon ang nagsuspenso usab sa trabaho sa ilang teritoryo.
Sa pagkakaron, wala pa magpagawas ang NDRRMC sa datos bahin sa gidaghanon sa mga apektadong pamilya ug kadaut nga dala sa linog.
Source: PNA