DAVAO CITY – Nadakpan sa mga operatiba sa Talomo Police Station 3 ang tulo ka mga suspetsado sa usa ka drug buy-bust operation nga gihimo sa open space sa NHA Bangkal, Davao City, niadtong Setyembre 30, 2025 sa gabii.
Gipang-ila ang mga nadakpan nga sila alyas “Jok-Jok”, 44 anyos; alyas “Bukol”, 31 anyos, usa ka laborer; ug alyas “Momong”, 18 anyos.
Sumala sa report, unang napalitan ang mga suspek og usa ka sachet nga adunay sulod sa gituohang shabu, ug pagkasunod, nakumpiska usab gikan kanila ang upat ka dugang sachet sa susamang droga.
Nakuha pa sa mga otoridad ang improvised glass tooter, buy-bust money, ug uban pang ebidensiya.
Tanan-tanan, mikantidad og ₱84,400 ang nakumpiskang gituohang shabu.
Ang mga nadakpan karon temporaryong gikustodiya sa Talomo Police Station 3 ug pagapasakaan og kaso ubos sa Comprehensive Dangerous Drugs Act of 2002 (RA 9165).(Camille Santos Naraga)(Source: Contributed)