Cebu: Naghatod sa mga manok igtalari gituhuang gi-salvage, patay

0
7

Wala nay kinabuhi nga napalagan ang usa ka mag uuma human gi-salvage.

Ang krimin nahitabo kagahapon sa buntag, Hunyo 16, 2023, didto  duol sa Simala Elementary School, Brgy. Simala, lungsod sa Sibonga, probinsya sa Sugbo.

Giila ang biktima sa Sibonga Police Station nga mao si Rodelio Pialan, 24 anyos ang panuigon, may kaipon, residenti sa Sitio Canwaling, Brgy Bulak, lungsod sa  Dalaguete, probinsya sa Sugbo.

Sa pasiunang inbestigasyon sa Sibonga Police Station ug basi usab sa pamahayag sa kabanay sa biktima na anang kadlawon nananghid kini na maghatod og mga manok ig talari didto sa lungsod sa Argao apan napalgan nalang kini na wala nay kinabuhi.

Si Pialan naka angkon og samad pinusilan s aulo ug buko-buko na maoy hinungdan sa kamatayon niini.

Sa pagkakaron padayon ang inbestigasyon sa kapulisan aron pagsusi sa motibo sa maong krimin ug ila usab ipaubos sa background check ang biktima. (Renante Lada, photo credits to the owner)

Leave a Reply