Wednesday, June 19, 2024

Cebu: Myembro Sa Board Sa Usa Ka Electric Company Gitumbok Nga Maoy Mibabag Sa Pagsud Sa Bag-Ong Supplier Ug Mas Barato Nga Presyo Sa Kuryente

- Advertisement -

Cebu City – Gitumbok ang usa ka board member sa electric company sa Syudad sa Lapu-Lapu nga maoy nibabag sa pagsud sa bag-o ug mas barato nga electric power supplier, hinungdan nga napugngan ang pag us-us sa binuwan nga electric bills sa mga konsumidor.

Sa higayon nga kahatagan ang bag-ong electric power supplier ug pagtugot nga maka supply sa Mactan Electric Company (MECO), mas mo ubos ang electricity rate sa mga consumers.

Gipasabot ni MECO Senior Vice President Engr. Gilberto Pagobo nga ang pamilya mag bayad ug ₱ 2,000 nga electric bill, mo ubos kini hangtud sa ₱ 1,600 o ₱ 400 nga pag barato sa ilang binuwan nga bayranan sa kuryente.

“Maong akong gihangyo nga wala untay mamahimong babag sa kalampusan nga madaog ang hearing kay para kini tanan sa pobreng mga Oponganon nga dugay nang nag-antos sa kataas sa presyo sa kuryente,” panawagan ni Mayor Junard Chan sa Oktubre 29 nga public hearing.

Ang Energy Regulatory Commission (ERC) sa kasamtangan mipahigayon ug series of hearings sa commission pagresolba sa maong butang;

Butang nga naka babag sa ERC pag issue ug provisional authority ngadto sa San Miguel consolidated Power Corporation pag supply ug mas barato nga electric power ngadto sa MECO.

Visit RPN DYKC Cebu

Ang syudad sa Lapu-Lapu dunay 92,499 electric consumers ug 12,600 sa Lungsod sa Cordova.

”Maong mitambog gayud kita sa (public) hearing para kita maoy mopadala sa tingog sa mga katawhan ug para madungog ang atong hangyo nga makabaton ang MECO og bag-ong supplier sa kuryente,” mensahi ni Chan sa iyang post mahitungod sa public hearing.

Niadtong Miyerkules, Oktubre 3, mi organized ang MECO ug press conference, ug mipasabot sa estado sa electricity rate reduction sa Isla sa Mactan nganong wala pa kini ma implementar.

Nasuta nga giingong usa sa 11 ka mga board members misupak sa entry sa San Miguel.

“Though there might be squabbles within the directors of the company due to different business interests, I believe that the consumers of MECO should not be made to suffer,” mensahi ni Mr. Douglas LuYm, President ug Chairman of the Board sa iyang suwat ngadto sa mga konsumedor pinitsahan ug Nobembre 2.

Nakita sa ERC records nga si MECO board member Atty. Maria Luz Caminero maoy misupak sa pagsud sa bag-ong electric power supplier.

Gi offer sa San Miguel ang P3.3 matag kilowatt-hour (KWh) ug stable nga supply sud sa 10 ka tuig ngadto sa MECO.

Ang laing power supplier sama sa Kepco SPC, mi offer ug mas taas nga rate.

“I believe that making power rates affordable is good for the people especially in this time of pandemic and this will help the economy of Mactan to recover fast,” dugang mensahi mi MECO president LuYm pinaagi sa iyang suwat.

Mapasalamaton si Pagobo kang Mayor Junard Chan pag suporta sa MECO management sa pag protehir alang sa interest sa mga konsumedor.

Matod niini nga gawas sa City Government, ang Mactan Island Lawyers League (MILL), subdivision associations, urban poor associations, ug ubang dagkong pundok, mi suporta sa panawagan sa management alang sa pagpa barato sa electricity rate.

Ang San Miguel ug Kepco SPC pipila sa mga kompaniya nga nag generate o create ug electric power, samtang ang MECO, sama sa VECO ug CEBECO, maoy mga power distributors.

Ang Mactan Island, sigon pa ni Pagobo, mo konsumo ug  elektrisidad nga ang kinatas-an gikan sa 72 ngadto na sa 74 Megawatt.

(Source: Lapu-Lapu City PIO, photo courtesy of MECO)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -