Usa ka mabulukon na panagtagbo kagahapong adlawa, Desyembre 4, 2023, didto sa Cebu City Police Office sa mga sakop sa CCPO, AFP, National Commission on Muslim Filipinos, ug Cebu City Muslim Community.
Si PCOL IRENEO B DALOGDOG, City Director, CCPO, maoy nipatawag sa maong meeting aron mahisgutan ang flagship programs sa goberno paingon sa way hunong na kalinaw.
Nahisgutan usab ang nahitabong pagpamomba didto sa Mindanao State University (MSU) diidn nikutlo kini og pipila ka mga inosenting kinabuhi. Gi condemned kini sa mga sakop sa National Commission on Muslim Filipinos ug nipakita sa hugtanong suporta sa goberno labi na sa kahapsay ug kalinaw.
Sa pagkakaron si Police Brigadier General Anthony Aberin, PRO-7, Regional Director nimando sa tanan niyang mga sakop na isaka sa Full alert status aron pagseguro na dili mahitabo sa Rehiyon 7 ang nahitabo didto sa Mindanao. (Renante Lada, photo courtesy of CCPO)