Nakabsan sa kinabuhi ang usa ka driver sa multicab human nibuto ang ligid sa iyang multicab.
Pasado alas 7:00 sa niaging gabii, Hunyo 14, 2023, didto sa National Highway, Barangay Tungkop, lungsod sa Minglanilla, probinsya sa Sugbo.
Ang biktima giila sa Minglanilla Police Station nga mao si Nilo Allanic Barbientos, 63 anyos ang panuigon, tindero og mga prutas, residenti sa Brgy.Perrelos, siyudad sa Carcar.
Sa inbestigasyon sa kapulisan nasayran nga ang biktima nagbiyahi sa naasoy nga lugar sa dihang nibuto ang ligid sa atubangan sa iyang multicab.
Sa kakusog sa dagan nadasmag kini sa traffic cone og napunta sa pikas lane na ni resulta sa pagka dasmag sa gikasugat nga van nga gimaniho ni Joel Inso Alu-lod, 41 anyos ang panuigon, nagpuyo sa Brgy.Buaya, dakbayan sa Lapu-Lapu.
Pagkalabay sa pipila ka oras na bugtuan sa kinabuhi ang biktima didto sa tambalanan. (Renante Lada)