Usa ka nga drayber sa motorsiklo namatay human nadasmag sa bus, sa Barangay Candaguit, lungsod sa Sibonga, Cebu, alas 12:00 sa gabii sa Abril 9, 2025.
Giila ang biktima nga si Orestes Mirabueno Salutello, residente sa Barangay Poblacion, Sibonga. Gidala pa siya sa Carcar District Hospital apan gideklarar nga dead-on-arrival.
Ang drayber sa bus nga gilambigit sa insidente mao si Guillermo Lebosada Cabañog, 45 anyos, nga taga-Barangay Uling, Dakbayan sa Naga. Gitanggong na siya karon sa Sibonga Police Station samtang nagpadayon ang imbestigasyon.
Base sa pasiunang imbestigasyon pulos nagbiya ang duha ka sakyanan sa managlahing direksyon. Nagkabangga ang duha ka sakyanan diin nalagpot ang drayber sa motor pila ka metros ang gilay- on.
Gipahibalo sa mga otoridad nga posible nga kasong Reckless Imprudence Resulting in Homicide and Damage to Property ang ilang ipasaka batok sa drayber sa bus.
Sa pagkakaron ang kapulisan nagpabilin nga nag-imbestigar aron masuta ang tibuok detalye sa aksidente.
I via Renante Socia Lada