Cebu: Mga supporters ni Sitoy-Cho mi protesta; mipasangil ug tikas sa piniliay batok sa kaatbang nga partido

0
158

Cebu City – Gipadayag sa mga supporters sa napilding reelectionist Cordova Mayor Therese “Teche” Sitoy-Cho ang ilang protesta, pinaagi sa pagtapok gawas sa Municipal Hall, Lunes sa buntag,Mayo 16, 2022 human mogawas ang resulta sa bag-o lang nahuman nga piniliay.

Visit RPN DYKC Cebu

Basi sa resulta nga gipagawas sa Commission on Elections (Comelec-Cebu), naka kuha si Sity-Cho ug 17,052 ka botos sa Mayo 9 local elections, samtang ang iyang kaatbang si mayor-elect ug incumbent councilor Cesar “Didoy” Suan miabot ug 21,222 ka botos.

Mipasangil ang mga supporters ni Sitoy-Cho nga ang partido ni Suan nga Lakas, mi himo ug “dirty politics” atoll sa May 9 elections.

Si Teche midagan ubos sa Partido Demokratiko Pilipino-Lakas nga Bayan (PDP-Laban).

Matod sa mga supporters ni Sitoy-Cho nga dunay mga opisyal sa barangay, lakip na ang mga barangay konsehal, mga tanod ug health workers nga misud sa polling precincts atol sa election bisan kon gidili kini sa balaud.

Ila sang gipasangil nga dunay vote buying, ug dugang niini nga naay mga botante nga na kombinsi sa opposition party ug misugot nga dalhon kini sa usa ka hote aron dili na kini maka botar sa adlaw sa piniliay.

Dugang pasangil sa kampo ni Sitoy-Cho nga dunay naka botar sa daghang higayon, ug matod pa sa mga supporters sa napilding partido nga wala butangi ug ink ang ilang mga kamot human maka boto.

Giingong duna say mga magtutudlo kinsa nag serve isip poll watcher ang gikataho nga misakay sa mga sakyanan nga gipadagan sa mga kandidato sa opposition.

Miluwat na sab sa iyang mensahi ang bag-ong mayor-elect, Cesar Suan.

“Tungod kay dili gayud madawat ni outgoing mayor Teche Sitoy-Cho ang iyang kapildihan ug kaparotan sa niaging election,nisang-at siya ug kaso nga Disqualification with Motion to Suspend Proclamation batok sa kinatubuk-ang grupo nga nakadaog sa Asenso Cordovanhon”, mensahi ni Suan.

Sa iyang bahin, gidawat ni Mayor-elect Hon. Cesar “Didoy” Suan ug gi-welcome ang maong petition tungod kay iyang nasabtan ang gibati ni Teche Sitoy-Cho nga maglisod ug kanaog sa iyang puwesto.

“Usa ka democratic right ni Teche Sitoy-Cho ang mopasang-at ug petition.Iyang kanang katungod busa atoa siyang pasagdan sa iyang mga plano kay ang importante humana ang election ug adunay nay kagawasan ang mga Cordovanhons,”matud ni Hon. Suan.

Panawagan ni Suan ngadto sa tanang mga supporters sa Asenso Cordovanhon nga ablihan ang mga huna-huna ug hatagan ug igong pagsabot si Teche Sitoy-Cho.

“Atong ipatigbabaw ang atong pagsabot sa sitwasyon karun ni Teche Sitoy-Cho nga maglisod ug kanaog sa iyang katungdanan isip mayor sa Cordova.Ayaw kamo paglagot kaniya kay ako mismo nakasabot sa iyang kahimtang.Atoang i-ampo nga mahatagan pa siya ug hayag nga kaugmaon sa iyang pagbiya sa munisipyo.Sa tanang Cordovanhons,magkahiusa kitang tanan para ug alang sa New & Better Cordova,” pasabot niini. (Jhon Tadlip)

(Source: Mayor Mary Therese “Teche” Sitoy-Cho Facebook account | Cesar “Didoy” Suan Facebook account)

Leave a Reply