Liboan ka mga Sugbuanon nagpakita sa ilang tininuod nga debosyon ni Señor Santo Niño.
Makita sa fluvial procession karong adlawa Enero 18, 2025 na liboan ka mga deboto kilid sa kadagatan ug nisakay sa barko ang subrang kalipay sa gipahigayon nga fluvial procession.
Daghang barko uban sa mga deboto, nga nagpakita sa ilang debosyon samtang nag-ampo sa nagpadayon nga procession.
Ang tradisyonal nga fluvial procession, nga gipahinungod sa Santo Niño, nagpabiling usa ka importante nga bahin sa kultura ug relihiyon sa Sugbo. Matag tuig, kini magadani og daghang tawo ug nagtimaan sa pagsugod sa mga kalihokan sa Sinulog Festival.
Ang maong selebrasyon nagapamatuod sa makanunayon nga debosyon sa mga Sugboanon ug sa ilang pagpasalamat sa mga panalangin sa ilalum sa pagpanalipod sa Santo Niño sa Sugbo. (Renante Socia Lada)