Padayon karong gisusi ang viral video nga adunay mga nisimba nga nasudlan og dautang espirito.
Didto kini nahitabo sa Simala Shrine, Lindogon, Simala, lungsod sa Sibonga, probinsya sa Sugbo, kagahapon sa hapon, Agusto 13, 2023.
Sa nasayran adunay duha ka mga tawo nga nitambong sa healing mass kagahapon sa hapon diin atol sa misa nasudlan kini sa dautang espirito.
Dali kining gitabang sa mga tawo atong higayuna nga murag kusgan kaayo lahi ra sa ilang naandan.
Sa pagkakaron naghimo pa og dugang pakisusi ang simbahang Katoliko may labot sa maong panghitabo. (Renante Lada, photo credits to the owner)