Cebu City – Gipangandaman na sa Cebu Provincial Police Office (CPPO) ug Cebu Port Authority (CPA) ang kalihukan sa Semana Santa.
Gi focus sa CPPO ang ilang police deployment sa mga areas diin ang mga turista gi expect nga mohugop.
Matod ni CPPO director, Police Colonel Engelbert Soriano nga ilang partikular nga gitutokanang isla sa Bantayan tungod kay dagsaon kining lugara ug daghang mga turista sa maong panahon.
“Just last week, nag-present ang COPs (chief of police) ng Bantayan, Minglanilla, and San Remigio, lahat yan ay pinaghahandaan na namin in the case of Bantayan municipality, magdagdag lang kami ng dalawang teams ng mobile force,” pahibaw ni Soriano.
Gawas niini, nagkanayon si Soriano nga ilang ipa alerto ang tanang dool nga police station ug units sa munisipalidad sa higayon nga manginahanglan ang isla ug dugang assistance.
Sa pagka karon, ang Bantayan Police Station wala manginahanglan ug dugang police augmentation basi sa assessment ni Soriano nga dunay igong kapulisan pag secure sa tibook isla.
“I will be personally supervising the activity,” butyag ni Soriano.
Ang Bantayan Police Station dunay 32 ka mga pulis; ang duha ka team sa mobile force nga mo augment duna say 18 ka mga personnel.
Laing activity nga tutokan sa CPPO sa Lenten Season mao ang “Sugat” sa Minglanilla.
Suma pa ni Soriano nga ila nang gipanglantawan ang grabe nga kahoot sa dagan sa traffic.
“That’s why we are formulating a rerouting scheme para i-publish namin bago mag Holy Week para may guide yung mga tao, para may guide sila in case magpa north or south sila,” pasabot ni Soriano.
Nag request na sab ang station chief sa Minglanilla police ug dugang augmentation gikan sa CPPO arn maka tabang nila pag secure sa kalihukan.
Bisan ug wala pa gideklara sa national headquarters ang full alert status, alang ni Soriano nga expected na kining mahitabo tungod kay regular declaration na kini sa tibook nasud matag tuig.
Samtang, ang CPA nangandam na sab sa pag activate sa ilang Oplan Biyaheng Ayos: Semana Santa and Summer Vacation 2022 pag siguro sa safe ug comfort sa tanang mga pasahero nga mobyahe ngadto sa ilang ka probinsyahan ug syudad agi sa pantalan sa Holy Week.
Gipahibaw ni CPA general manager Leonilo E. Miole nga ang tanang pantalan sa Sugbo gitakdang ipa-ubos sa heightened alert sugod sa Abril 10 hangtud sa Abril 18, 2022, isip pagpangandam sa modagsa nga mga pasahero, nonot sa pagpaluag sa COVID-19 restrictions.
Atol ning higayona, mo deploy ang CPA ug dugang port police officers sa mga pantalan nga dunay daghang mga pasahero, pagpatuman sa port safety ug security protocols.
“With eased travel restrictions, CPA together with partners from the maritime sector are working closely to further intensify our efforts to ensure the safety, security, order and convenience of the travelling public,” mensahi Miole.
Istriktong mopatuman ang CPA ug “no ticket, no ID, no entry ”policy, kadto lang mga pasahero nga dunay boat tickets ug valid Identification cards ang tugtan nga makasud sa pantalan, at least duha ka oras sa schedule sa byahe.
Gipahinumduman sab ni Miole ang publikko nga dili mopalit ug illegal nga mga tickets nga gipamaligya sa dili otorisadong indibidwal; ug mo book nang daan sa ilang tickets paglikay sa taas nga linya sa pantalan, diin sagad sa mga ticketing outles nahimutang.
Ning padayon nga pag repair ug pag rehabilitate sa pipila ka mga port facilities ug limitadong areas pag accommodate sa daghang mga pasahero, hangyo ni Miole ngadto sa mga traveling public nga dili moadto sa mga pantalan kung walay confirmed travel booking aron paglikay sa kahoot.
Pahibaw sa CPA nga padayon gihapon ang striktong pagpatuman sa mandatory wearing of face mask, temperature check sa mga pasahero inag sud sa port passenger terminal, gi ban sab ang “talking and unnecessary phone calls”, ipatuman sab ang social distancing labi na sa mga common areas sama sa canteens, lounges, open decks, comfort rooms ug uban pa.
Gi-awhag sab sa CPA ang tanang mga pasahero nga mosunod sa one-meter distance samtang mag linya sa passenger terminal sa pagsakay ug sa pagkanaug, tungod kay daghan pang mga port facilities ug passenger terminal buildings ang padayon pang gi-ayo, human nangaguba sa bagyong Odette.
Dunay mga Malasakit help desk (MHDs) ug mga first-aid station nga ipang butang sa passenger terminals pag atiman sa lain-laing concerns sa mga pasahero.
Mamahimong tugtan sab ang direct boarding sa mga pasahero kung gikinahanglan aron paglikay sa paghoot, kalangan, o delay sa byahe sa barko basta lang nga sundon ang security, safety ug health protocol.
Sa ilang bahin ang Philippine Drug Enforcement Agency (PDEA) mopahigayon sab ug random inspection ug K9 sweeping isip tipik sa intensified campaign batok sa mga drug couriers nga mo agi sa pantalan.
Ang Philippine Coast Guard (PCG) mo butang sab ug bomb sniffing dogs sa port areas ug passenger terminals buildings.
Dugang pasalig ni Miole sa mga ports users nga dunay disinfection matag adlaw sa tanang mga port terminal buildings, port entry ug exit points, shuttle buses ug tanang mga areas sud sa pantalan nga exposed kaayo sa passenger traffic. (Jhon Tadlip)
(Source: Cebu Provincial Police Office | Cebu Port Authority | Philippine Coast Guard | Philippine Drug Enforcement Agency, photo courtesy of My Cebu Photo Blog)