Cebu City – Mag-atubang ug mga kaso ang mga mapamatud-an nga maoy responsabli sa mga anomaliya sa financial assistance sa mga na biktima sa bagyong Odette.
Gibutyag ni Cebu City Mayor Michel Rama nga ang kagamhanan sa syudad maoy mopasaka ug kaso.
Gipahibaw ni Rama nga dili igo nga mailhan o matangtang sa pwesto, kasuhan gyud sila.
“Usa ra ang tag-iya sa balay, nganong daghan man ang gihatagan? Kailangan sample-an, dapat iprosecute gyod”, matod ni Rama.
Kinsa kadtong mapamatud-an nga mihatag sa mga unqualified beneficiaries ug financial assistance kasuhan, bisan kon kini barangay personnel, Mayor’s Information Liaison Officer (MILO) o bisan personnel sa Department of Social Welfare and Services (DSWS).
Kini sab ang rason nga bout sa mayor nga dunay review sa tanang mga empleyado sa City Hall kong magpabilin pa ba sila nga empleyado, sa higayon nga magsugod na siya sa iyang bag-ong termino sunod buwan.
Miluwat na ang mayor ug memorandum kalabot sa evaluation sa mga empleyado basi sa ilang performance ug honesty sa trabaho, gawas pa sa ubang mga factor. (Jhon Tadlip)
(News & photo courtesy of Cebu City PIO)