Nagpadayon ang Police Regional Office 7 (PRO7) sa pagpanalipod sa komunidad human nadakpan ang mga iligal nga gamit ug himan sa paghimo og pusil sa usa ka operasyon sa Danao City, Cebu, niadtong Disyembre 18, 2025.
Mga alas 2:50 sa hapon, ang mga personnel sa 701st Maneuver Company, Regional Mobile Force Battalion 7, nga gipangulohan ni PLT Archie Jan E. Ondiano, kauban ang Team Dagyaw nga gipangulohan ni PCPT Zeus Livin C. Bugtai, nagsugod sa intensibong monitoring sa Purok 1, Barangay Mantija, kauban ang Danao City Police Station. Ang operasyon gisuperbisyunan ni PLTCOL Paterno L. Domondon Jr., Force Commander, RMFB7.
Nadiskubre sa grupo ang usa ka clandestine gun-making site ug nakakuha sila og: 1 electric push drill, 3 cross vises, 19 steel files, 3 metal frame patterns, 4 hacksaws, 34 hacksaw blades, ug 2 steel magazines. Ang tanang nakuhang gamit giatiman sa 701st MC, RMFB7 para sa husto nga dokumentasyon ug disposisyon.
Gipahimangno ni PBGEN Redrico A. Maranan, Regional Director sa PRO7, nga ang operasyon kabahin sa padayon nga kampanya batok sa iligal nga armas. Matod niya, “Recovering illegal gun-making equipment is a crucial step in preventing the spread of loose firearms and protecting communities,”
Gisulti usab niya nga ang operasyon uyon sa advocacy sa PRO7 nga “Bakal ng Pagbabago: From Guns to Gifts, Turning Metals into Meaning.”
Source: PRO7 PIO
I via Renante Socia Lada