Miapil sa Hands-Only Cardiopulmonary Resuscitation (CPR) orientation ug training ang mga empleyado sa Cebu Provincial Capitol didto sa Capitol Grounds kagahapon Hulyo 14. Kabahin kini sa pagpangandam alang sa pagsaulog sa National Cardiopulmonary Resuscitation Day.
Gipangulohan sa Cebu Provincial Health Office (PHO) ang maong kalihokan uban sa Department of Health Central Visayas (DOH-7), Philippine Red Cross, City Health Offices sa Danao ug Carcar, ug Municipal Health Office sa Minglanilla.
Gitambongan usab kini sa ubang opisyal sa panglawas gikan sa Capitol ug DOH-7.
Atol sa pagbansay, gitudluan ang mga empleyado sa S.A.G.I.P. o Save a Life with CPR, lakip ang pag-ila sa kalit nga paghunong sa kasingkasing, pagtawag dayon og tabang, ug husto nga paagi sa paghatag og chest compressions.
Tumong sa maong programa ang pag-andam sa mas daghang tawo nga makatabang ug makaluwas og kinabuhi sa panahon sa emerhensiya.
I via Renante Socia Lada