Gibisita ni His Excellency (H.E.) Daniel Hernandez Joseph, embahador sa Mexico sa Pilipinas, si Mayor Raymond Alvin Garcia kagahapong adlawa, Pebrero 26, 2025, aron hisgutan ang posibilidad nga ibalik ang sister city agreement tali sa Guadalajara, Mexico ug Cebu City.
Uban sa iyang delegasyon, apil na si Honorary Consul sa Mexico Marcelino Ugarte, ilang gihisgutan ang posibilidad sa pagpabuhi sa kasabutan nga unang napirmahan niadtong 1997. Kini gideklarar nga “temporary inactive” niadtong 2013 tungod sa kakulang sa mga kalihokan ug interaksyon tali sa duha ka siyudad.
Nagpakita usab og suporta sa maong panagtagbo sila si Konsehal Renato “Junjun” Osmeña, Cebu City Planning and Development Officer Michael Joseph “Yumi” Espina, Cebu City Protocol Officer Berlinda Tan, Sister City Office Head Grace Avanzado, ug City Tourism Officer Maristela Rabor.
Tinguha ni Mayor Garcia nga masuta ang mga lakang aron mapalig-on pag-usab ang relasyon sa duha ka siyudad. Gitinguha usab nga mapadayon ang ilang kooperasyon sa ekonomiya, turismo, ug edukasyon tali sa Guadalajara ug Cebu City.
Source: Cebu City PIO
I via Renante Socia Lada