Usa ka 15-anyos nga lalaki ang namatay human nabangga ang ilang motorsiklo sa usa ka sakyana nga Toyota Wigo sa national highway sa Barangay Ginablan, lungsod sa Badian, alas 6 sa gabii, Biyernes, Hunyo 27, 2025.
Ang biktima giila nga si Janssen, 15 anyos, taga Barangay Poblacion, Badian. kauban niya sa motor ang iyang igsoon nga si Luis, nga kaluha niya. Ang duha padulong unta sa Poblacion sa dihang nakasugat nila ang Toyota Wigo nga gimaneho ni Joey, 28 anyos, taga Barangay Masa, Badian.
Tungod sa kusog nga bangga, nalagpot ang duha ka menor de edad ug naka-angkon og grabe nga kadaot sa ilang mga lawas ug ulo. Giluwas dayon sila sa mga pulis ug MDRRMO personnel ug gidala sa Badian District Hospital, apan si Janssen gideklarar nga dead on arrival.
Naangol usab ang duha ka pasahero sa Toyota Wigo nga parehas taga Dumanjug ug gidala usab sa tambalanan alang sa medikal nga pag-atiman.
Padayon karon ang imbestigasyon sa kapulisan aron mahibal-an ang tinuod nga hinungdan sa aksidente.
I via Renante Socia Lada