Atol sa session sa konseho sa dakbayan sa Mandaue nga gitambungan sa mga representante sa Metropolitan Cebu Water District kon MCWD gituki ang problema sa supply sa tubig sa siyudad sa Mandaue.
Aminado ang taga MCDW nga apektado karon ang agas sa tubig tungod kay nihubas na ang kasagaran mga tinubdan sa ilang tubig.
Nunot niining maong problema sa tinubdan sa tubig apektado na usab ang pipila ka mga barangay sa siyudad sa Mandaue.
Aduna sila’y gi representar nga solution na mao ang Desalination Plant nga gitukod didto sa barangay Opao.
Gitataw sa taga MCWD nga posibling sa buwan sa Mayo aduna nay kasulbaran ang problema sa kanihit sa tubig sa Mandaue City.
Samtang si Mandaue City Councilor Jen Del Mar nihangyo sa taga MCWD nga ang bill sa tubig sa buwan sa Marso ug Abril hatagan og pabor ang mga konsumidor nga Mandauehanon pinaagi sa pagkonsidera nga mamahimong anam-anamon ang pagbayad sa bill sa tubig. (Renante Socia Lada)
(Source: Mandaue City PIO)
