Cebu City – Gitakdang motambong si presumptive president Ferdinand “Bongbong” Marco ug presumptive vice president Sara Duterte-Carpio sa mass oathtaking sa mga kandidato ubos sa One Cebu Party nga mingdaug sa Mayo 9, local and national elections.
Gibutyag ni Cebu Governor Gwendolyn Garcia nga ilang gi imbetar si Marcos ug si Duterte-Carpio sa inauguration sa mga mingdaug sa One Cebu.
Hinoon, ipahibaw ra kung kanus a kining petsaha.
Malaumon ang gobernador nga motambong si Marcos sa oathtaking ceremony bisan sa ka busy sa iyang schedule, labi na nga siya ang nag-una sa presidential race.
“We will extend that invitation and I hope his (Marcos) schedule will permit us,” mensahi ni Garcia.
“Given that One Cebu has overwhelmingly won in the entire Province of Cebu. Since this is really history in the making, we are planning on a mass oathtaking with all of our wining congressmen, mayors, vice mayors, councilors, board members,” dugang ni Garcia, kinsa mo serbisyo ug laing tulo ka tuig human modaug sa piniliay.
Atol sa iyang proclamation sa pagka gobernador niadtong Mayo 10, matod pa nangutana si Duterte-Carpio kang vice presidential spokesperson ug Liloan Mayor Christina Garcia-Frasco kung kanus-a ang schedule sa mass oathtaking sa One Cebu party.
“As I said, prior to the election, presumptive vice president Inday Sara has already asked when the inauguration will be. I think she is already planning. I hope they can (attend) but we would understand kung busy kaayo,” pahibaw ni Garcia.
Ang One Cebu, pinanguluhan ni Garcia, mi endorse sa UniTeam party ni Marcos ug Duterte-Carpio sa Sugbo niadtong April 12.
Naka deliver ang vote-rich province ug 1,055,985 botos ngadto kang Marcos, samtang 1,258,538 ka botos ngadto kang Duterte-Carpio sa Mayo 9 elections, base sa media transparency server. (Jhon Tadlip)
(News & photos courtesy of Cebu Provincial Government)