Cebu: Manipis road sa dakbayan sa Talisay gibisita og pari gumikan sa sunod-sunod na disgrasya

0
1

Gibisita kagahapong adlawa, Enero 20,2023 ang Manipis Road, sa Dakbayan sa Talisay sa Pari gumikan sa sunod-sunod nga disgrasya sa kadalanan sa maong lugar.

Si Msgr. Frederick Kriekenbeek ang founder sa Mary’s Little Children Community maoy naila nga pioneering sa Exorcists sa Sugbo.

Si Rev.Fr.Rupencio Russel nihalad og pag ampo sa maong lugar ug pagbendita.

Didto usab ang mga sakop sa CT-TODA pinanguluhan sa ilang hepe nga si Jonathan Tumulak ug si Manipis Barangay Captain Jojo Laurente.

Segon ni Rev.Fr.Russel nga adunay mga panghitabo nga aksidenti nga dili mapasabot sa science, apan dili usab ikalimod nga ang kasagaran nga hinungdan mga mechanical ug human error.

Mahinumduman nga karon lang semanahuna duha ka disgrasya ang nahitabo ang usa nalintuwad ang sakyanan ug ang usa nahulog sa pang-pang.

Diin matud pa sa mga biktima nga adunay kalit nilubag sa manubela sa gimaniho nga sakyanan.

Niadto usab nga nakalabay nga katuigan aduna puy mga disgrasya sa maong lugar.

Mga pag ampo ang gihimo sa maong lugar aron maiway sa disgrasya ang muagi niini. (Renante Lada, photo courtesy of CT -TODA)

LEAVE A REPLY

Please enter your comment!
Please enter your name here