Nagkahiusa ang mga opisyal, empleyado, barangay ug mga ahensya sa gobyerno sa Mandaue City sa Charter Day Parade kagahapong adlawa Agosto 30, isip kabahin sa pagsaulog sa ika-57 nga Charter Anniversary sa dakbayan.
Gipangulohan ang kalihukan ni Mayor Thadeo “Jonkie” Ouano kauban ang mga konsehal, barangay officials, Sangguniang Kabataan ug mga representante sa national government agencies ug private sector.
Gipasiugda sa selebrasyon ang tema nga “Unity in Motion,” nga nag-awhag sa panaghiusa ug pagtinabangay sa mga Mandauehanon alang sa padayong kalamboan sa dakbayan.
Sumala sa lokal nga panggamhanan, ang Charter Day Parade simbolo sa panaghiusa ug paningkamot sa mga Mandauehanon alang sa mas hayag nga kaugmaon sa Mandaue City.
📸 Mandaue City PIO
I via Renante Socia Lada