Usa ka 37-anyos nga mananagat ang namatay human malumos sa kadagatan sa Barangay Maravilla, Tabuelan, Cebu pasado alas-12 sa udto sa Marso 18, 2025.
Ang biktima giila nga si Marion Lanterna, residente sa Sityo Quasi Baybay, Barangay Poblacion sa nahisgutang lungsod.
Matod sa imbestigasyon sa Tabuelan Police, si Lanterna kauban ang iyang silingan nga si Ramil Andrade, 30, nanagat niadtong buntag gamit ang usa ka mano-mano nga bangka. Apan sa dihang kusog nga mga bawod ang miabot, natikyaob ang ilang sakyanan.
Sumala ni Andrade, kamao silang molangoy ug naningkamot nga makaabot sa baybayon. Apan sa kalayo naglidud na kini pag abot sa baybayon.
Dali siyang nangayo ug tabang sa barangay ug nagpatawag og rescue team. Gidala si Lanterna sa Tuburan District Hospital apan gideklarar nga dead on arrival.
Padayon ang imbestigasyon sa kapulisan sa insidente samtang gipaabot ang pamilyang biktima alang sa dugang nga impormasyon.
I via Renante Socia Lada