Usa ka 38-anyos nga mangingisda ang namatay diha-diha human kini naigo sa kilat samtang mopauli na unta gikan sa pamasol atol sa kusog nga ulan sa Sitio Malingin, Barangay Punta Engaño pasado alas 5 sa hapon, Agosto 5, 2025.
Giila ang biktima nga si Teodilito Itan, 38-anyos, minyo ug lumulupyo sa maong lugar, nga kanhi usab nagtrabaho isip panday.
Matod sa asawa nga si Teresita, kalit na lang silang gisultihan nga nakit-an na ang iyang bana nga wala nay kinabuhi sulod sa sakayan.
Base sa imbestigasyon, gituohang naigo sa kilat ang biktima nga nagbilin og daghang paso sa lawas.
Gipamatud-an usab sa mga residente sa dapit nga kaduha ka higayon nila nabati ang kusog nga pagpangilat samtang nagbunok ang ulan niadtong orasa.
I via Renante Socia Lada