Wala nay kinabuhi nga niabot sa tambalanan ang usa ka lalaki nga gidunggab patay sa iyang mismong silingan. Nahitabo kini pasado 1 kagahapon sa hapon, Septembre 3, 2022, didto sa Brgy. Looc Norte, Lungsod sa Asturias, Probinsya sa Sugbo.
Ang biktima giila sa kapulisan nga si Maico Etang Sali, 47 anyos ang pangidaron,menyo, ug lumulupyo sa Purok 2, Brgy. Looc sa mao rang Lungsod. Naila usab ang suspetsado na si Edgar Aulestia, 44 anyos ang panuigon,menyo ug silingan sa biktima.
Sa imbestigasyon nga gihimo sa kapulisan sa lungsod sa Asturias,nasayran nga ang biktima niadto sa pinuy-anan sa suspetsado aron e kumprunta kay namatay ang iyang manok na igtalari. Sa ilang pangsulti nagkainitay kini nga ni resulta sa pagkuha sa suspetsado sa usa ka 12 inches nga kutsilyo dayon sa way daghang storya nanunggab kini ni Sali.
Naka angkon og samad dinunggaban sa dughan ang biktima na maoy hinungdan sa iyang hinalaling kamatayon. Hinuon ang suspetsado nasikop ra sa kapulisan atol sa ilang pag respondi. Sa pagkakaron gitanggong na ang mamumuno samtang giandam pa ang tukmang kaso nga ipasaka niini. (RSL, photo courtesy of Asturias Police Station)