Naligo sa iyang kaugalingon dugo ang usa ka habal-habal driver human gipusil sa wala matino nga suspetsado. Pasado alas 9 kagabii, September 3, 2022, didto sa H. Labra St., Barangay Guadalupe, Siyudad sa Sugbo.
Ang biktima naila nga si Louie Del Castillo,42 anyos ang panuigon, residenti sa Sitio Kadianoy, Barangay Sapangdako sa mao rang dakbayan. Sa imbestigasyon nga gihimo sa kapulisan sa Guadalupe Police Station nga namasahero ang biktima sa dihang gisabayan kini sa mamumuno dayon sa way daghang storya gipusil kini gamit ang wala masuta nga kalibre sa armas de fuego.
Sa pagkakaron ang kapulisan nagpahigayon pa og background check ni Del Castillo kung wala ba kini gikaaway o kaha gikalambigit nga illegal na binuhatan aron pagsuta kung unsay motibo sa maong krimin ug si kinsa ang nagpaluyo niini. Nanghinaot usab ang mga otoridad nga nay saksi arin makatabang sa ilang imbestigasyon. (RSL)