Nahimong maduguon ang pagsugat sa Bag-ong tuig human ang mga ig agaw nag unay pag dinunggabay nga ni resulta sa ilang kamatayon.
Atol kini sa pagsugat sa Bag-ong Tuig sa Barangay Lower Awihao, Dakbayan sa Toledo.
Base sa imbestigasyon sa Toledo City Police Station nga nagkalalis ang duha ka biktima samtang nag-inom dihang nahisgutan ang ilang mga kanhi bikil. Ang lalis nisangpot sa pagpanunggab.
Ang mga biktima mao sila si alias Lino, 45 anyos, ug alias Berto, 50 anyos, nga pulos mga residente sa maong dapit. Sa nasayran unang nanunggab apan nailog kini nga ni resulta sa pagbawos ni Berto.
Human sa pagpanunggab, si alias Andy, 59 anyos, nga igsoon ni Lino, nitabang aron mabawos sa kamatayon sa iyang igsoon. Nailog sab niini ang kutsilyo ug iyang gipatay si Berto.
Sa pagkakaron padayon ang imbestigasyon sa kapulisan aron masuta ang lawom nga himungdan sa maing insedenti nga ni kutlo og duha ka kinabuhi atol sa pagsugat sa 2025.