Malampuson ug walay nahitabong insidente ang pagbisita ni Presidente Ferdinand R. Marcos Jr. sa Liloan ug Mandaue City sa Pebrero 26, 2026, human maimplementar ang komprehensibo ug organisado nga security plan sa iyang opisyal nga pag-anhi sa Cebu.
Ang Police Regional Office 7 (PRO7), uban sa ubang nasyonal ug lokal nga ahensya sa gobyerno, force multipliers, ug security partners, maoy nanguna sa pagseguro nga hapsay ang dagan sa kalihokan, luwas ang mga lugar nga giadtuan, ug malinawon ang kahimtang sa komunidad atol sa pagbisita sa Presidente.
Sumala ni PBGen. Redrico A. Maranan, dako ang iyang pasalamat sa tanang kapulisan nga naapil sa operasyon. Matod niya, gikan sa pagplano hangtod sa aktwal nga pagpatuman, nagpakita ang mga personnel sa dedikasyon, propesyonalismo, ug panaghiusa aron masiguro ang kaluwasan sa tanan.
Gipasiugda usab sa PRO7 nga magpadayon sila sa ilang misyon sa pagpanalipod sa mga lider sa nasud ug sa publiko. Ang kalampusan sa presidential visit nagpakita sa kahimtang sa ka-andam, disiplina, ug kapasidad sa kapulisan sa Central Visayas sa pagdumala sa dagkong kalihokan samtang gipadayon ang kalinaw ug kahapsay sa komunidad.
Source: PRO7 PIO
I via Renante Socia Lada