Kasong Parricide ang gipasaka sa kapulisan sa Mandaue City Police Office batok sa usa ka manghod nga niunay sa pagpusil patay sa iyang mismong magulang.
Ang krimin nahitabo pasado alas 8:00 kagahapon sa buntag, Decembre 1, 2023, didto sa Sitio Kalubihan, Brgy. Labogon ,dakbayan sa Mandaue.
Ang biktima naila nga si Jesomar Impas, 30 anyos ang panuigon, tendero og tubig, residenti rapud sa maong lugar.
Giila usab ang suspetsado na mao si Alvin Impas, 28 anyos ang pangidaron, usa ka waiter, nagpuyo rapud sa maong dapit.
Sa inbestigasyon nga gihimo sa kapulisan nasayran nga ang manag igsuon nagkalalis tungod sa matod pa pagpangulata sa biktima sa kapuyo sa suspetsado. (Renante Lada)