Usa ka magtutudlo ang namatay human maligsan sa usa ka SUV human nga ilang motorsiklo nakabangga og iro sa H. Abellana Street, Barangay Basak, Mandaue City sa buntag sa Hulyo 10, 2025.
Ang biktima giila nga si Reywena Soroño, 57 anyos, magtutudlo sa Labogon Elementary School. Kauban niya sa motorsiklo ang drayber nga si Rene Misa, 57 anyos usab, nga karon kritikal ug ginatambalan sa usa ka ospital.
Sumala sa imbestigasyon, padulong untang moagi ang ilang motorsiklo sa maong dalan dihang kalit kini nakadasmag og iro nga nilabang. Tungod sa kusog nga impact, nalabay si Soroño sa kalsada ug didto na siya nadasmagan sa usa ka SUV nga gimaneho sa 18-anyos nga estudyante nga si Heinrich Pilones, nga taga Barangay Poblacion, Liloan, Cebu.
Gikustodiya na karon sa Basak Police Station si Pilones ug giandam na ang mga kasong posibleng ipasaka batok kaniya samtang padayon pa ang imbestigasyon sa insidente.
I via Renante Socia Lada