Patay ang usa ka 39-anyos nga mag-uuma human kini dunggaba sa iyang ig-agaw sa ilang barangay sa Malalay, lungsod sa Ronda, Sugbo, alas 6:00 sa gabii, Marso 5, 2025.
Ang biktima nailhan nga si Ryan Sardañas, samtang ang suspetsado mao si Feliciano Birondo, 56-anyos, minyo ug usa usab ka mag-uuma.
Matud sa imbestigasyon, ang duha nag-inom og tuba sagol tanduay sa nataran sa balay sa biktima. Apan, sa dihang nangahubog, nasangit sila sa lalis nga misangpot sa pagsuknaay.
Tungod sa kasuko, kalit nga gidunggab ni Birondo si Sardañas sa likod gamit ang pinote nga 17 pulgada ang gitas-on. Ang kapuyo sa biktima maoy nakasaksi sa hitabo.
Gideklarar nga dead on the spot si Sardañas, samtang ang suspek nadakpan sa kapulisan ug gibalhog sa Ronda Municipal Police Station. Mag-atubang kini sa kasong Homicide.
I via Renante Socia Lada