Naghimo og courtesy call ang Land Transportation Franchising and Regulatory Board (LTFRB) Region VII, ubos sa pagpanguna ni Regional Director Abosamen H. Matuan, kang Gobernador Pamela S. Baricuatro sa Kapitolyo kagahapon Abril 13, 2026.
Ang maong pagbisita nagtumong sa paghiusa sa mga programa sa nasudnong gobyerno ug sa probinsya aron mas epektibong matabangan ang mga drayber ug pasahero, ilabina karon nga nagkataas ang presyo sa gasolina.
Gipasabot ni Matuan nga andam na ang paglusad sa tibuok nasud sa Service Contracting Program karong Abril 15. Kini nga programa adunay doble nga benepisyo, lakip ang subsidiya alang sa mga operator ug drayber, ug 20 porsyento nga diskwento sa plite alang sa mga pasahero.
Gidawat ni Gobernador Baricuatro ang inisyatiba ug giingon nga importante ang panaghiusa sa LTFRB ug sa Kapitolyo aron masulbad ang mga hagit sa ekonomiya nga giatubang sa publiko.
Matud pa niya, “It’s better to work together. We get more, and we get things done if we work together.”
Gilauman nga pinaagi sa maong panagtambayayong, mas mapalig-on pa ang suporta sa sektor sa transportasyon ug mapagaan ang kahimtang sa mga komyuter sa probinsya sa Sugbo.
Source: Cebu Province PIO
I via Renante Socia Lada