Gipasiugda ni Cebu City Mayor Nestor Archival Sr. nga ang dugayng solusyon sa problema sa baha magsugod sa husto nga pagdumala sa tubig.
Matud pa sa mayor, prayoridad sa Cebu City Government ang pagpalit og mga estratehikong yuta nga mahimong himuong punduhan o reservoir sa tubig-ulan.
Pinaagi sa pagtigom ug pagtipig sa sobrang tubig-ulan, malikayan ang dali nga pag-awas niini ngadto sa mga komunidad nga kasagarang maigo sa baha.
Dugang pa ni Archival, kini nga lakang makatabang sa pagpakunhod sa pagbaha ug mahimong dugayng tinubdan sa tubig alang sa mga lumulupyo sa siyudad sa umaabot panahon.
I via Renante Socia Lada