Usa ka patay’ng lawas sa line man nga si Diego Guttierez, 56-anyos, ang nadiskobrehan sa iyang silingan sa Sityo Mahayahay, Barangay Apas, pasado alas-5:45 sa hapon, Sabado, Enero 25, 2025.
Si Luisito Paracuelles, ang silingan nga nakadiskobre sa insidente, mipadayag nga nakuratan siya pag-ayo sa dihang iyang nakit-an si Diego Guttierez, 56-anyos, kasamtangang nagpuyo sa maong lugar ug lumad nga taga Bislig City, Surigao del Sur.
Ang Mabolo Police Station-4, CCPO nakadawat ug taho bahin sa insidente ug miadto dayon sa maong lugar. Gituhuan nga ang biktima dugay na kining namatay.
Sa pagkakaron padayon ang imbestigasyon sa kapulisan aron masuta kung unsay hinungdan sa kamatayon niini. (Renante Socia Lada)