Isip kabahin sa pagsaulog sa kapistahan sa lungsod sa Liloan, ang Liloan Inter Fraternity Sorority Alliance (LIFSA) mipahigayon sa ilang ika-unom nga tuig nga Food Pack Distribution sa San Fernando Rey Parish Church kagahapon Mayo 30, 2026.
Gipahimuslan sa maong kalihokan ang paghatag og food packs ngadto sa mga candle vendors ug uban pang mga vendors nga nagserbisyo panahon sa kapistahan. Sumala sa mga nagdumala ang maong programa usa ka paagi sa pagpakita og pagpasalamat ug paghatag og suporta sa mga tawo nga kabahin sa kalampusan sa kasaulogan.
Gawas sa paghatag og tabang, ang kalihokan nagsilbi usab nga higayon alang sa panaghiusa ug panag-uban sa nagkadaiyang fraternity ug sorority nga sakop sa alyansa. Sa pagkakaron, adunay 15 ka grupo nga miapil ug misuporta sa maong kalihokan.
Matud sa mga sakop sa LIFSA, ilang gipadayon ang tema nga “No Fraternity Should Be Left Behind: Alliance Towards Peace and Unity.” Diin ang panaghiusa sa mga fraternity ug sorority adunay dakong ikatampo sa kalinaw ug kaayohan sa komunidad.
Lakip sa mga grupo nga mitambong mao ang Alpha Phi Epsilon, Alpha Kappa Rho (Sorority), Omega Delta Kappa, Kappa Omega Sigma Lambda, Delta, Phi Omega Chi, Upsilon Phi Omega, Alpha Sigma Gamma, Beta Gamma Rho (Lady), Beta Phi Sigma, Beta Gamma Rho (Fraternity), Alpha Kappa Rho (Fraternity), ug Pi Gamma Phi.
📸 APE
I via Renante Socia Lada