Gisiguro ang lig-on nga seguridad ang Cebu City Police Office (CCPO) ubos sa pagdumala ni Acting City Director PCOL Enrico Evangelista Figueroa atol sa kataposang adlaw sa 2025 Bar Examinations nga gipahigayon sa University of San Jose-Recoletos (USJ-R) Basak Campus, karong adlawa, Sept. 14, 2025. Ang tinguha mao ang pagpanalipod sa mga examinees ug paggarantiya sa integridad sa eksaminasyon.
Sugod pa sa alas 2 sa kadlawon, gilukop na sa kapulisan ang palibot sa testing center uban sa tabang sa mga kauban nga ahensya ug force multipliers. Gipatuman ang istriktong pagdeploy sa mga checkpoint ug entry points daplin sa N. Bacalso Avenue aron masiguro nga malinawon ug hapsay ang palibot.
Mga alas 3:30 sa buntag, gisugdan na ang pagsulod sa mga examinees ngadto sa testing facility samtang padayon ang pagbantay sa kapulisan. Kapin 200 ka pulis gikan sa CCPO ang gibutang sa venue nga usa sa 14 ka opisyal nga testing centers sa tibuok nasud nga giila sa Supreme Court.
Matod ni PCOL Figueroa, andam ang kapulisan sa pagpanalipod sa tanang nga ang presensya sa CCPO usa ka timaan sa ilang padayong misyon sa kalinaw ug seguridad. Gibana-bana nga kapin 1,300 examinees ang misalmot sa tulo ka adlaw nga Bar Exams.
Nagpabilin nga lig-on ang Cebu City Police Office sa ilang katungdanan nga maghatag ug luwas, malinawon, ug malampusong proseso sa eksaminasyon, ingon usa ka haligi sa kalinaw ug kahusay sa Dakbayan sa Sugbo.
Source: CCPO
I via Renante Socia Lada
