Nahimong madugo-on ang gihimo nga hot pursuit operation sa Argao Police Station pinanguluhan sa ilang hepe nga mao si Major Janus Giangan human matod pa nisukol ang suspetsado sa pagpanglugos sa kapulisan.
Nahitabo kini didto sa bukirang Barangay sa lungsod sa Argao, Sugbo, pasado alas 4:00 sa kadlawon, Hulyo 30, 2024.
Ang suspetsado nagpanuigon og 33 anyos, may kaipon, residenti rapud sa maong lugar samtang ang biktima nagpangidaron og 21 anyos.
Sa imbestigasyon sa Argao Police station nasayran nga atol sa pag abot sa kapulisan sa maong lugar gusto unta niining pa surenderon apan nibunot na hinuon kini sa kulsilyo og nisulay sa pagpanunggab, isip pag depensa sa pulis nibalos kini og napusilan ang maong suspetsado nga ni resulta sa iyang kamatayon.
Nasayran usab nga sugod pa diay niadtong tuig 2014 gisugdan sa pagmolestiya ang biktima nga wala na kini naka antos og nisumbong ngadto sa kapulisan. (Renante Lada)