Gibuksan kagahapon 2024 Business Week+ ug 1st Zamboanga Peninsula Investment Conference diin dinhi sa syudad sa Pagadian City ang host venue sa prestihiyoso nga event sa nagka lain-laing negosyo dinhi sa tibuok Rehiyon 9.
Gipangulohan ni Vice Mayor Baldomero “Boy Baleleng” Fernandez ang opening & cutting of ribbon sa pag abri sa ZAMBOPEN Trade Fair & Exhibit kauban ang opisyales Pagadian-ZDS Chamber of Commerce and Industry Foundation, Inc., ug mga nagka lain-lain ahensya sa gobyerno. Kini nagpamatuod ang sugod sa usa ka simanang business week dinhi sa rehiyon.
Giawhag ang mga katawhan nga mobisita sa Asenso Covered Court diin makita ninyo ang mga nagka lain-laing produkto dinhi sa Zamboanga Peninsula.
Sa ginabutyag ni Mayor Sammy Co, ang City Government of Pagadian ilalom sa iyahang administrasyon, kanunay nag lantaw sa kaayohan sa mga negosyante, gagmay man o dagko, arun ma agak sila padung sa pag-asenso. Kay matud pa, ang pag-asenso sa syudad timaan sa pag-asenso sa katawhan.
(Source: Asenso Pagadian)