Cebu: Lalaki nga nipugos pagsulod sa usa ka subdivision didto sa lungsod sa Liloan, gipusil

0
8

Naangol ang usa ka lalaki human gipusil sa gwardiya nga nagbantay sa usa ka subdivision.

Ang krimin nahitabo pasado alas 12:30 kagahapon sa udto, Nobembre 4, 2023, didto sa usa ka Subdivision nga nahimutang sa Barangay Santa Cruz, lungsod sa Liloan, probinsya sa Sugbo.

Ang biktima giila sa Liloan Police Station nga mao si Robby Bueno, hingkod ang panuigon, nagpuyo sa Bay-ang ridge Subdivision, Barangay Santa Cruz, sa mao ra nga lungsod.

Samtang ang suspetsado naila usab nga mao si  Mark Allin Jubay Tundag, 32 anyos ang panuigon, taga Sitio Kalubihan, Barangay Tabla, sa mao ra nga lungsod.

Sa inbestigasyon sa kapulisan gibadlong ang biktima sa gwardiya kay ginadili ang pagsulod sa maong Subdivision kung mag short pants.

Nagkalalis ang suspetsado ug ang biktima nga ni resulta sa pagpamusil ni Tundag gamit ang iyang kaugalingon nga 38 revolver na walay lisensya.

Pagka alas 4:50 sa hapon human sa hot pursuit operation sa kapulisan nitahan sa kapulisan ang suspetsado uban sa iyang armas nga gugamit sa pagpamusil.

Sa pagkakaron giandam na ang tukmang kaso batok sa gwardiya nga namusil. (Renante Lada)

Leave a Reply