Hangtod karong adlawa, Agusto 23, 2023 wala gihapon naila ang usa ka lalaki nga napalgang patay.
Didto kini nakit-an sa kadagatan sa Purok Gemelina, Barangay, Binongkalan, lungsod sa Catmon, probinsya sa Sugbo, niadtong lunes sa gabii, Agusto 21, 2023.
Ang biktima nga usa ka lalaki gi bana-bana nga adunay gitas-on nga 5’9, 29-32 ang pangidaron, ug naka short og itum.
Sa inbestigasyon sa Catmon Police Station nasayran nga samtang namana si Juvy Damiles, residenti sa naasoy nga barangay iyang nakit-an ang biktima nga nag lutaw-lutaw sa kadagatan.
Dali kining gidala sa tambalanan apan wala nay kinabuhi nga niabot.
Sa pagkakaron padayong nanawagan ang kapulisan sa Catmon Police Station nga kung adunay nawad-an nga miyembro sa pamilya makig alayon lang sa ilang buhatan ug padayon usab nga gisuta ang gikamatyan niini.
Photo: Catmon Police Station
via Renante Socia Lada
