Nagtingkagol karon sa prisuhan ang usa ka lalaki nga nanghulga sa iyang ka chat sa social media nga ipakatap ang video sex call human nasikop sa entrapment operation. Pasado alas 9:50 sa buntag Nobiyembre 12, 2024, napusasan ang suspetsado nga 37-anyos nga giila sa alyas nga “Dominic” welder taga Brgy. South Poblacion, lungsod sa San Fernando, Sugbo.
Sa imbestigasyon Women and Children Protection Desk kon WCPD sa Naga City Police Station nga nagpatabang sa ilang buhatan ang ginikanan sa 14-anyos nga tinun-an kay matod pa nga kung dili magpakita ang iyang anak ug makighilawas e post sa social media ang mga hulagway ug video sex call niini.
Hinuon nasikop sa entrapment sa usa ka lodging house ang suspetsado nga mag atubang karon og kasong Sextortion ubos sa RA 7610, kalapasan sa RA 11930 Anti-Online Sexual Abuse ug RA 10591 (Comprehensive Law On Firearms and Ammunition). (Renante Socia Lada)