Wala nay kinabuhi nga napalgan ang usa ka lalaki nga namana human kini nalumos sa kadagatan didto sa Baranga Bato, lungsod sa Samboan, Sugbo, pasado alas 9:00 sa gabii ,Oktubre 1, 2024.
Ang biktima giila sa Samboan Police Station na mao si Gilbert Miparanum Omaña, 31 anyos ang panuigon, ulitawo, ug residenti sa Sitio Inadlay, Barangay Talisay, lungsod sa Santander, Sugbo.
Sa imbestigasyon sa kapulisan nasayran nga sa maong lugar ug oras namana ang biktima uban sa iyang mga kauban.
Sa ilang pagpamana natingala nalang sila nga wala na kini nitunga og nilugdang na kini sa ilawom sa dagat.
Dali nila kining gitabang apan nabugtuan gyud kini sa kinabuhi, sa pagkakaron ang kapulisan padayon sa ilang imbestigasyon aron pagsuta kung wala bay foul play. (Renante Lada and Ting Joe Pepito)