Patay diha-diha dayon ang usa ka lalaki nga nag barog human gipusil.
Pasado alas 11:00 kagabii, November 20, 2022, didto kini nahitabo sa Sitio San Roque Railsite 2, Barangay Hipodromo, Dakbayan sa Sugbo.
Ang biktima giila sa kapulisan sa Mabolo Police Station nga mao si Argie Jervacio Isidto, 32 anyos ang pangidaron, ulitawo, residenti rapud sa maong lugar.
Naila usab ang suspetsado basi sa nga saksi nga mao si Jaime Sarimogan, hingkod ang panuigon, nagpuyo sa Sitio Kalapukan, Barangay Carreta, sa susamang Siyudad.
Sa inbestigasyon nga gihimo ni PSSG. Ador Bacalso ang inbestigador sa maong kaso nga nag barog-barog sa maong lugar ug oras ang biktima sa dihang gi lipot kini sa suspetsado dayon gipusil nga naigo sa tangkuho nga maoy hinungdan sa iyang hinalaling kamatayon.
Sa pagkakaron padayong gipangita ang mamumuno nga daling nisibat human niya nahimo ang krimin.
Gipalawman pa usab sa kapulisan sa Mabolo Police Station kung unsay motibo sa maong pagpamusil patay. (Renante Lada)