Nasikop sa mga awtoridad ang usa ka Most Wanted Person nga adunay kasong Robbery with Homecide nga nalista sa DILG, sa Sitio Sto. Rosario, Brgy. Jagobiao, Mandaue City, Cebu, niadtong Disyembre 4, 2024.
Giila kini Police Major Lean Rey A. Endozo, Chief sa City Intelligence Unit sa Mandaue City Police Office (MCPO), nga ang suspek mao si “Bogart,” 34-anyos ug residente sa Zone 7, Brgy. Nangka, Consolacion, Cebu.
Segon sa taho sa kapulisan, nasikop ang suspek alas-7:15 sa gabii pinaagi sa warrant of arrest alang sa kaso nga Robbery with Homicide nga gi-isyu ni Hon. Estela Alma A. Singco, Assisting Judge sa Branch 55, Regional Trial Court sa Mandaue City, nga walay rekomendasyon nga piyansa.
Sa pagkakaron, ang suspek anaa na sa kustodiya sa Police Station 1, MCPO alang sa dokumentasyon ug tukmang disposisyon.
(Source: PCADG Visayas)