Naigo sa sunog ang 15 ka balay sa Sitio Apple, Barangay Cogon Pardo, Cebu City niadtong Biyernes sa buntag, Disyembre 6, 2024, alas 8:38 sa buntag.
Sumala sa Bureau of Fire Protection (BFP), 12 ka balay ang hingpit nga nasunog, samtang tulo (3) ang nakasinati og gamayng kadaot. Ang total nga danyos sa maong insidente niabot sa P750,000.
Ang kalayo nagsugod sa balay ni Rosaleah Parajes Payao, apan nagpadayon pa ang imbestigasyon aron masuta ang hinungdan. Ang sunog gideklarar nga first alarm alas 8:42 sa buntag, nakontrol sa mga bombero alas 9:15, ug “fire out” human sa lima ka minutos.
Wala pa masuta ang eksaktong ihap sa mga pamilya o indibidwal nga naapektuhan. Si Fire Officer 2 James Parinasan sa Cebu City BFP maoy nagdumala sa pag-imbestiga sa insidente.
Ang mga biktima nagpaabot og dugang tabang samtang nagpasalamat sa paspas nga aksyon sa mga bombero ug kagsmhanan sa siyudad sa Sugbo. (Renante Socia Lada)Â