Nasikop sa kapulisan sa Precinct 1 sa Mandaue City Police Office (MCPO) ang usa ka lalaki nga giila nga si Rolando Mendoza y Corpio tungod sa pagpangampanya gamit ang sample ballot nga adunay kalakip nga kwarta, kagahapon, Mayo 9, 2025.
Sa pagsusi sa mga otoridad, nadiskubrehan nga adunay duha ka sample ballot si Mendoza nga naglangkob sa ngalan ni mayoral candidate Jonas Cortes ug sa grupo nga Team Mandaue. Kada sample ballot adunay tag P1,000 nga kwarta.
Matod pa sa imbestigasyon, giangkon ni Mendoza nga gisugo siya sa usa ka Jenny Ceniza, nga giingong usa sa mga lider ni Jonas Cortes, aron kuhaon ang sobre nga adunay sulod nga kwarta gikan kang Kapitan Julius Cesar “Toto” Lumapas Areopagita sa Barangay Mantuyong.
Sa pagkakaron, si Mendoza gibutang na sa kustodiya sa Police Station 1 sa Mandaue samtang naghulat sa pormal nga pagpasaka sa kaso batok kaniya.
I via Renante Socia Lada